Chegou o inverno

Xa estamos no inverno e queremos recordar o que aprendimos sobre esta estación. Os alumnos da Aula 1 queremos que vexades esta presentación do inverno que fixo Alba García.

Proxecto de inverno de Alba García

Read more publications on Calaméo

Centro de Nadal

Aproveitando elementos naturais recollidos  na contorna, temos este marabilloso centro de Nadal adornando no noso Instituto.
Bo Nadal!

Charla cogomelos

O profesor de Bioloxía e Xeoloxía David Cora, deu unha charla sobre cogomelos no salón de actos para todo o Instituto.
Falou de aspectos diversos dos cogomelos que podemos atopar nos nosos montes e incluso deu algunha receita para cociñalos.

Degustación de cogomelos

O que mais nos gusta do outono é o momento da degustación dos cogomelos.
Todas as pizzas estaban boísimas

Compost

O alumnado da FPB despois de asesorarse sobre os cultivos,plaguicidas e cultivos ecolóxicos, avanzaron buscando información sobre a reciclaxe e selección de residuos orgánicos para facer compost  e crearon un compostador a partir dun bidón.
Este curso imos tentar producir o noso propio compost para o horto.

Magosto e marcas nos castiñeiros

Aproveitando a chegada da celebración do magosto os alumnos e alumnas de 1º e 2º da E.S.O. fixeron un traballo de investigación e recopilación das antigas marcas que cada casa facía nos seus castiñeiros.
Con elas fixemos unha exposición na entrada do Instituto. Foi un traballo  moi interesante e importante para non deixar no esquecemento os antigos costumes da zona.
Podedes ver todas as fotos no album do Facebook do Instituto ou facenco click AQUÍ

Vídeo magosto

Temos o vídeo sobre a exposición do magosto recén saído da edición. Se queredes velo, facede click AQUI

Recollida de lixo no río Lamas

Aproveitando tamén a saída ao río Lamas, pola tarde houbo unha rolda de "Patrulla Verde" limpando as beiras do río en Cereixido que é o tramo no que facemos a intervención.
Con parte dos desperdicios atopados, os alumnos a alumnas que son todos uns artistas, foron capaces de facer land art. Aquí deixamos a mostra.

Nas seguintes fotos podemos ver como traballaron a reo recollendo lixo

Land Art no río Lamas

Aproveitando a saída ao río Lamas, os alumnos fixeron gala das suas dotes para as artes plásticas e deixáronnos estas fermosas pezas de land art, feitas con materias e materiais atopados ao redor do tramo do río Lamas no que estaban a facer a intervención dentro do Paln Proxecta "Proxecto Ríos". POdedes ver todas as fotos no Facebook do Instituto, facendo click AQUI

A "Patrulla Verde"

Como somos moi observadores, non nos deu  moito traballo ver que os arredores do Instituto están algo descoidados en canto a lixo se refire.
Por iso, queremos facer unha "Patrulla Verde" que se encargue de facer informes sobre o estado dos arredores do Instituto e concienciar aos seus compañeiros sobre a importancia de manter limpo o noso Instituto e extendelo ao resto da Terra.
Como mostra, aportamos unhas fotos de lixo atopado nas escaleiras do Polideportivo.
Seguiremos patrullando, limpando e concienciando.

Os nosos cogomelos

Ao longo do mes de outubro e novembro e en colaboración co EDL montamos unha exposición con exemplares de cogomelos aportados por alumos e profesores.
Todos eles foros recollidos na contorna próxima
Fixemos este vídeo para mostrar o bonita que nos quedou a exposición. Esperamos que vos guste.
Tamén podedes ver todas as fotos no Facebook do Instituto.

Andaina de outono

Este ano, coma nos anteriores, tivemos a nosa andaina de outono. Fixemos o tramo do Camiño Primitivo a Santigo de Compostela comprendido entre O Acebo e Fonsagrada. Achegámonos a ver onde fora enterrado e axusticiado o Comandante Moreno e despois emprendiños camiño.
Ao longo do noso camiñar fomos recollendo lixo que fumos atopando ás beiras do camiño, e ainda conseguimos encher un par de bolsas de basura. Un dos obxectivos deste curso é concienciar sobre o coidado danosa contorna e poñeremos en marcha unha "Patrulla verde" que se encargará de velar pola limpeza, en principio, do entorno do noso Instituto.
Aqui deixamos un par de fotos nas que se pode ver parte do lixo que recollemos. Podedes ver todas as fotos da andaina no facebook do Instituto, facendo click AQUI

O outono

Xa estamos no outono, e para recordar un pouco que é o que pasa nesta estación, os alumnos da Aula 1 volvemos a revisar os proxectos que fixeramos sobre esta estación. Aqui podemos ver o de Lucía Fernández

Traballo de O Outono de Lucía Fernández

Read more publications on Calaméo

Before the flood

No salón de actos do Instituto proxectouse o documental Before the Flood, que o activista ecolóxico e actor Leonardo Di Caprio prodciu e dirixiu para intentar concienciar sobre o cambio climático. Foi un bo momento para reflexionar e pararnos a pensar o que deberiamos mellorar en canto á nosa relación co medio natural.

Retornamos

Ola de novo. Aquí estamos un novo curso enrolados para aprender e comprender, para coidar e concienciar, para divertirnos e compartir con todos e todas as nosas paisaxes, e as intervencións que faremos nela.
Benvidas e benvidos a todas e todos de  novo. Comezamos!

DESEÑAMOS CIDADES_1º ESO (3/3)

UXÍA HAS DESIGNED THIS CITY

Hello! My name is Uxía and I am going to present my city.
On the right side there is a museum, a house and a court.
On the left side of the city, we have two houses, the sport centre and the school.
On the back we have the Government, a shoe store and a bakery.
On the downtown we have a library, the church and a book store.
There is also a supermarket, a hospital and a bar.

DESEÑAMOS CIDADES_1º ESO (2/3)

A NAIRA. CIDADE CREADA POR CARLA, PAULA E ROI

A nosa cidade chámase A Naira. É unha cidade costeira situada nunha illa perdida no Océano Pacífico.

A vida nela é moi cara polo costoso acceso a ela e pola dificultade de atopar diferentes alimentos dos que nos temos que abastecer a través do seu transporte en barcos.

A especie animal máis característica é o "Pernis", unha ave moi abundante nas grandes selvas da illa.

A cidade ten todos os equipamentos: edificios para a educación infantil e xuvenil, hospital, centro comercial, etc. e unha construción moi importante, o porto.

 Este é o plano da nosa cidade.

Esta é a maqueta da nosa cidade. 

Día de presentación da nosa cidade ao resto dos compañeiros

DESEÑAMOS CIDADES_1º ESO (1/3)

RAPTURE. CIDADE CREADA POR ANA, FERNANDO, HUGO, ÍKER E MAURO

Rapture é unha cidade que pertence ao país de Artstorka. 

A orixe desta cidade aínda non está moi clara, hai expertos que afirman que esta cidade foi creada por xente que escapaba das guerras e buscaban un lugar apartado dos continentes.

Na actualidade, Rapture é unha cidade máis ben turística aínda que tamén son moi importantes as empresasa de madeira. 

Empréganse enerxías renovables como a eólica ou a mariña.

O goberno está formado por:

- Presidente: Fernando Villabrille Rodil

- Ministro de Economía: Hugo Fernández López

- Ministro de Cultura e Deportes: Mauro Llano López

- Ministro de Exterior: Íker Fernández López

- Ministra de Educación: Ana Álvarez Amieiro

Esta é una imaxe do deseño da nosa cidade. Deseñamos a nosa cidade a través do videoxogo Cities:Skylines podendo desenvolver un planeamento urbanístico completo.

Imaxe do día que presentamos o deseño da nosa cidade na clase.

LAND ART

O alumnado de 1º da ESO estivo a realizar intervencións artísticas no entorno natural máis próximo, cos materiais que este nos ofrece, aprendendo a crear novas paisaxes sen agresións e contribuíndo tamén ao respecto medioambiental.

Son intervencións directas na natureza realizadas dun xeito integrado e respectuoso co medio, que se transforman co paso do tempo e que teñen un carácter efémero claro.

Esta actividade ten como obxectivo que o alumnado desenvolva a capacidade de observar a natureza e intervir nesta dunha maneira respectuosa, comezando a comprender que na construción da paisaxe interveñen numerosos factores, como os sociais, culturais, naturais, económicos, etc.

IMAXES E REFLEXIÓNS DE RUBÉN MÉNDEZ (ALUMNO DE 1º DA ESO) NA VISITA AO RÍO LAMAS

Ola! O día 3 de maio os alumnos do IESP Fontem Albei fomos ao río Lamas, pasámolo moi ben. Fixen unhas fotos do río e vídeos que vos vou a ensinar agora 

Esta araña atopouna o meu profe de Ciencias Naturais Miguel Pavón

 

Esta foto saiume cun efecto coma se fose unha cascada, como se os raios de sol pasaran entre as follas.

Esta fotografía fíxena porque me gustou o efecto que a luz do sol produce sobre as follas, véndose moi claras. A luz do sol tamén reflexaba na auga semellando que había luces por debaixo.

A seguinte foto é dunha paisaxe, fixeime no efecto da luz do sol entre as follas.

As seguintes fotos decidín facelas porque atopamos ovos de ra. Tamén atopamos as ras, pero non puiden facerlles fotos porque eran moi rápidas.

 

Os seguintes animais atopáronos os meus amigos no río e fíxenlles unhas fotos para despois poder investigalos na clase de Ciencias Naturais.

Espero que vos gustase a miña reportaxe...un saúdo.

Rubén Méndez