O ROCK DO PORCO CELTA

O ROCK DO PORCO CELTA

Alá polo San Martiño nas clases de 1º de BAC estivemos vendo a descrición e para traballala na aula recorremos a unha canción na que vimos as características deste tipo de textos. Ademais, aproveitando a data, escollemos como cantiga, un rock and roll para ser exactos,  na que se describe o porco celta, unha raza de cocho propia destas nosas terras da Fonsagrada.

A  letra da canción titulada” O rock do porco celta” do disco Tic tac de Pablo Díaz  é a seguinte:

Primeiro escoitámola enchendo coas palabras que faltaban nos ocos baleiros que a profesora puxo (sobre todo substantivos e adxectivos).

Cando rematamos a primeira actividade pasamos a ver as características lingüísticas propias dos textos descritivos que se plasmaban no texto. Serviunos tamén esta parte para ver os trazos físicos do porco celta e algún trazo máis sobre o seu carácter que foron creados pola imaxinación de Pablo Díaz, autor da canción.

Por ultimo, os alumnos e as alumnas en parellas e nun grupo de tres, seguindo como modelo esta canción, crearon a súa propia letra facendo tamén unha descrición, a maioría saíron de animais.

E como o noso proxecta recolle tarefas feitas sobre a nosa contorna (incluída fauna), aquí vos amosamos os resultados:

ROCK DA XOANIÑA

Eu son un insectiña

de cor vermelliña

e  ben feliz que son.

Eu teño unha vecíña

que come cabaciña

e nunca di que non.

Teño seis patiñas

e antenas cor marrón

pinquiñas negras

unha xoaniña  eu son.

Gústanme moito as flores

que teñan vivas cores,

e herbas con frescor.

E ligo con escarabellos

que son moi cabaleiros

e molan mogollón.

[retrouso]

Eu son un insectiño

que vai nadar no río,

moi deportista eu son

Tamén son moi coqueta

como unha bolboreta,

unha xoaniña eu son.

[retrouso]

         María Castro e Andrea Robledo (1º Bac)

ROCK DA PITA CHOCA

Eu son unha pita choca

de plumaxe colorida,

e contenta que estou.

Eu poño bos oviños,

onde nacen pitiños

e con eles eu vou.

Teño crista longa

e o bandullo cargadón

amigas no poleiro.

Unha pita feliz eu son.

Gústanme os poleiros.

brincar e durmir neles,

lonxe do raposón.

Eu merendo …….???????

e faragullas con pan.

Barriga chea eu son.

[retrouso]

Eu son unha pita choca,

viaxo á pata coxa.

Unha galiña eu son.

Tamén son moi rapeira

e algo argalleira

Un animal eu son.

[retrouso]

         Ana Fernández e Ángel Gegunde (1º Bac)

ROCK DA CABRA MONTESA

Eu son unha cabra montesa

de cor branca e vermella

e contenta que estou.

Eu teño boas amiguiñas

que tamén son cabritiñas

e con elas eu vou.

Eu teño cornos longos

e ollos moi saltóns,

caídos os tetos.

Unha cabriña eu son.

Gústanme as penas

saltar e brincar nelas

e dar un vorcallón.

Eu como toxos verdes

co meu noivo o castrón,

barriga chea eu son.

[retrouso]

Eu son unha cabra montesa

e non viaxo con présa,

cabra molona eu son.

Guíame o meu pastor

sempre ao meu carón,

Unha cabra eu son.

[retrouso]

        David Fernández e Vanja Perona (1º Bac)

A seguinte non describe un animal, senón a un neno pero tamén ten unha mascota.

ROCK DO NENO FORTE

Eu son un neno forte

que ten moita sorte

e ben san que estou.

Eu teño unha tenda,

non teño quen ma atenda

que soíño que estou!

Teño un can marelo

co rabiño moi grandón

patas moi curtiñas

e feliz con el eu son.

Gústame Doraemon.

sacar cousas do peto,

que contento estou!

Gústanme os bocadillos

de chourizo ou xamón.

Un barrigón eu son.

[retrouso]

Son un neno de Galicia

miña nai chámase Alicia.

Son un neno molón.

Tamén son estudante

e algo repugnante.

Un chafallón eu son

[retrouso]

       

                                                                  Alejo Asumo, José Luís Couso e

                                Jorge Fernánd